Unn...? - Frei soi

Frei soi
Musik: Markus, Text Hannes Holle, Markus
Alle Instrumente und Gesang: Markus

Kopirait: Unnmusik

Frei soi Text: Hannes Holle, Markus,
Musik: Markus

Joo, mol widder frei soi
wie än Vochl im Wind
flieche so hoch unn so weit

Joo, mol widder frei soi
wie ä kläänes Kind
jo des wär ich mol widder gern


Barfießisch - iwwer Äcker unn iwwer Wisse renne
Dummheide - doowe unn Fissemadende mache
Im Schlofsack - omme schääne Feierle penne
Ubschwert - iwwer jeden Bledsinn lache
Wisse s`is jemond do, der mich beschitzt
Der soi Hond iwwer moi kläänes Leewe halt
A wonn ich mol Äbbl unn Kersche gstrenzt hab
Ich war halt aa oft mol vellisch deneewe
wie oft häm mer aa Nächt durchgemacht
gsoffe, gedonzt, gekifft unn jeden Bledsinn vollbrocht


Jetzt - midde im Leewe okumme
nix is wirklich wie es schoint
die Ellebooche stumpf vunn lauder Drigge
Katzbuckle was noch nie moi Stärk
iwwrich war mol än laude innere Schrei
des innere Uffbäume wu kääner ghert hot
warum sinn die Määnschde so iwwerzwerch
Määnen ehr Wohret is am wohrschde
Än Onnere hot wahrschoins genauso wohr
Ä bissl Demut unn Toleranz wärn do gar net schlecht
Awwer wonn ich jetzt mol so um mich rummguck
bleibt norre die Hoffnung uff Freiheit


Joo, mol widder frei soi
wie ään Vochl im Wind
flieche so hoch unn so weit

Joo, mol widder frei soi
wie ä kläänes Kind
jo des wär ich mol widder gern