Unn...? - Ich wollt ääfach mol..... (für Elisabeth)

Ich wollt ääfach mol.... (für Elisabeth)

Text und Musik: Markus
Alle Instrumenteund Gesang: Markus

Ich wollt ääfach mol...... (für Elisabeth) 14.2.2020

Ään kalde Wind zieht durch die Strooße
Millämer klappern iwwer de Asphalt
ään foine Duft vunn frische Weck umspielt die Noos
Uffm Dach ääner gonz in schwarz
unn hännlt do mit soim Gscherr
Ausm Kanal krawwlt `n Typ in leuchtend gelb

Ä Baby kreischt beim erschde Blick
uff des Licht in deere Welt
Pflejer hetzen wie verrickt
durch die Gäng vumm Krangehaus
alle Erzieher in de Kripp – alle Fahrer uff de Strooß
alle Schaffner in Bus unn Boh – alle Lehrer in de Schul

Ich wollt ääfach mol danke saache
weil mers graad dennoch is
alle Leit die do schuften unn rackern
unn mer des garnet so mitkriecht
weils so selbstverständlich is
dass alles so laaft
was bassiert wonn alles zammebricht?

Unn all moine Freunde
die do warn wie mers so dreckisch gange is
dem Mädsche, noch faschd fuffzisch Johr widder gfunne
die mer die Sunn gezeicht hänn
wie alles so dunkl war
moiner Familie unn all wu mer Halt gewwe hänn

Ich wollt ääfach mol danke saache
weil mers grad dennoch is